Teymisþjálfari og markþjálfi
Ég hjálpa teymum að eiga þau samtöl sem þau þurfa að eiga.
Teymisþjálfun er eins og garðyrkja - það er ekki hægt að tryggja uppskeru, en það er hægt að vinna með skilyrðin - hlúa að jarðveginum og umhverfinu. Ég hjálpa teymum að skapa skilyrði fyrir árangur: skýran tilgang, traust og vinnulag sem virkar.
Þjónusta
Hvað get ég gert fyrir þig?
Eðli, aldur og aðstæður teyma geta verið mjög mismunandi. Þess vegna er gott að velja teymisþjálfun sem hentar hverju sinni.
En hvað er teymi og teymisþjálfun? →
Hvað hentar þínu teymi?
Nýtt teymi eða þarf endurræsingu?
Flugtak
Hvort sem teymið er nýtt eða þegar starfandi þá er fókusinn að hafa grunninn í lagi. Við stillum skilyrðin af, hvort sem er með endurræsingu eða frá grunni.
- ✓Undirbúningur með leiðtoga teymisins
- ✓1-2 vinnustofur
- 2-4 vikur
Hver er staðan?
Greining
Við kortleggjum stöðu teymisins og finnum vænleg næstu skref.
- ✓1-1 samtöl við teymismeðlimi
- ✓Veflæg könnun
- ✓Vinnustofa með tillögum
- 2-4 vikur
Markviss vegferð
Ræktun
Fyrir teymi sem vilja byggja upp varanlegan árangur yfir lengri tíma, með það að markmiði að teymið taki sjálft við keflinu.
- ✓3+ vinnustofur
- ✓3+ innlit á fundi með endurgjöf
- ✓Mat á heilsu og framgangi teymisins
- 3+ mánuðir
Þarftu blöndu af þessu, eða eitthvað þar á milli? Við finnum út saman hvað hentar teyminu þínu.
Markþjálfun, leiðtogaþjálfun og handleiðsla eru náskyld og skarast oft í reynd. Einstaklingsþjálfun getur því innifalið allar þrjár nálganirnar í sömu vegferð. Gott er þó að hafa á hreinu hvað hvert um sig felur helst í sér.
Hvað hentar þér núna?
Fyrir þig sem manneskju
Markþjálfun
Þú ert í brennidepli - hver þú ert, hvað þú vilt og í hvaða samhengi. Viðfangsefni eins og viðhorf og gildismat, starfsþróun, breytingar eða jafnvægi á einhverjum sviðum lífsins eða lífinu í heild.
- ✓Fyrir þá sem vilja innri skoðun eða persónulega stefnumörkun
- ✓Hentar jafnt í kyrrstöðu og á umbreytingatímum
- Allt að 60 mínútur hvert skipti
Fyrir þig í leiðtogahlutverki
Leiðtogaþjálfun
Hér er unnið sérstaklega með leiðtogahlutverkið og það sem fylgir því að leiða aðra, hvernig þú tekur ákvarðanir, byggir traust og leiðir þitt fólk í gegnum breytingar og áskoranir.
- ✓Fyrir leiðtoga á öllum stigum
- ✓Þróast oft í dýpri markþjálfun eða handleiðslu eftir því sem á líður
- Allt að 60 mínútur hvert skipti
Stuðningur í flóknum aðstæðum
Handleiðsla
Í sértækum aðstæðum er gott að skoða málið með reynslumiklum aðila sem stendur fyrir utan aðstæðurnar sjálfar.
- ✓Fyrir leiðtoga sem leiða teymi í flóknum eða krefjandi aðstæðum
- ✓Kemur oft í kjölfar leiðtogaþjálfunar, þegar aðstæður kalla á það
- Allt að 60 mínútur hvert skipti
Tíðnin er sveigjanleg, oftast á 2–4 vikna fresti. Athugaðu að mörg stéttarfélög bjóða styrki fyrir einstaklingsþjálfun sem þessa.
Ekki viss? Bókaðu frítt kynningarspjall fyrst, eða hringdu í 822 1673.
Ég býð upp á ýmis erindi, vinnustofur og námskeið, stöðluð eða sérsniðin.
Er eitthvað hér sem gæti hentað þínu teymi eða þínum vinnustað?
Erindi
Innihaldsríkt erindi fyrir hópinn þinn
Erindi tengd teymisþjálfun en einnig möguleiki að sérsníða eftir þörfum. Dæmi um erindi:
- ✓Skilgreining teymis og helstu stoðir fyrir heilbrigt teymi.
- ✓Hvað er teymisþjálfun?
- ✓Sálrænt öryggi og áhrif þess á teymi
- 20-60 mín.
Vinnustofa
Praktísk nálgun með fókus á skýra útkomu
Stök vinnustofa um það sem hópurinn eða teymið þarf hverju sinni. Dæmi um mögulegar afurðir:
- ✓Tilgangur, markmið og mælikvarðar
- ✓Samskiptasáttmáli
- ✓Vinnulag eða angar þess eins og hlutverk, fundir, tól og ferlar
- Hálfur til heill dagur
Námskeið
Markviss námskeið um tiltekin viðfangsefni
Styttri námskeið fyrir hópa sem vilja öðlast grunnfærni án þess að fara í fullt nám. Dæmi um viðfangsefni:
- ✓Grunnfærni í markþjálfun
- ✓Grunnþættir teymisþjálfunar
- ✓Endurgjöf og endurgjafarmenning
- Allt frá hálfum degi upp í nokkur skipti
Alþjóðlega vottað nám
Nám í teymisþjálfun
Lærðu að hjálpa teymum að eiga þau samtöl sem þau þurfa að eiga. Hámark 12 þátttakendur.
Sjá nánar og skráningHvað segir fólkið?
Reynsla viðskiptavina
“Örn hefur getu til þess að styðja við teymi á víðtækan hátt, allt frá daglegum málum yfir í sérhæfða vinnu eins og strategíu, gildi og þjálfun við endurgjöf. Töfrar teymisvinnunnar koma með auknu trausti, einingu og skýrleika.”Björk Kristjánsdóttirþáverandi COO og CFO hjá CRI
“Örn er hálfgerður töframaður þegar kemur að mannlegum samskiptum. Aðkoma hans hefur haft frábær áhrif á samskipti, samvinnu og vinnustaðamenningu hjá GRID. Jákvæðni, orka og einlægni hans eru smitandi.”Hjálmar Gíslasonstofnandi og framkvæmdastjóri, GRID
“Örn er ekki bara framúrskarandi markþjálfi og teymisþjálfari heldur einnig einstök og góð manneskja með ótrúlega gott innsæi.”Ingibjörg Ásdís Ragnarsdóttirþáverandi forstöðumaður, Customer Experience Development, Icelandair
Hlaðvarp
Teymisþjálfarinn
Um mig
Hver er ég?
Ég er fæddur 1973 og uppalinn í sveit, nánar tiltekið í Gnúpverjahreppnum, langyngstur 8 systkina. Ég er giftur Sigrúnu Sigurjónsdóttur og við eigum einn son, hann Dag.
Auk markþjálfa- og teymisþjálfaranáms og viðeigandi vottana frá ICF (PCC, ACTC), Global Team Coaching Institute og 6 Teams Conditions þá er ég með B.Sc. í tölvunarfræði, tók jógakennaranám og kennsluréttindi. Lengi vel vann ég í hugbúnaðargeiranum, bæði hérlendis og erlendis.
Ég hef mikinn áhuga á mannlegri tilvist, sér í lagi samskiptunum og tengslunum okkar á milli og við okkur sjálf.
Ég þarf talsverða hreyfingu og hún spilar lykilhlutverk í minni andlegu og líkamlegu líðan. Ég er frekar jákvæður og opinn, og allajafna stutt í húmorinn.
